shree krishna stuti by brahma Ji_ब्रह्माजी द्वारा श्रीराधा कृष्ण स्तुति

ब्रह्माजी द्वारा श्रीराधा कृष्ण स्तुति

अनादिमाद्यं पुरुषोत्तमोत्तमं श्रीकृष्णचन्द्र निजभक्तवत्सलम् ।

स्वयं त्वसंख्याण्डपतिं परात्परं राधापतिं त्वां शरणं व्रजाम्यहम्॥ गालाकनाथस्त्वमतीवलीलो लीलावतीयं निजलोकलीला ।

वैकुण्ठनाथोऽसि यदा त्वमेव लक्ष्मीस्तदेयं वृषभानुजा हि॥

त्व रामचन्द्रो जनकात्मजेयं भूमौ हरिस्त्वं कमलालयेयम् । यज्ञावतारोऽसि यदा तदेयं श्रीदक्षिणा स्त्री पतिपत्निमुख्यौ॥

त्वं नारसिंहोऽसि रमा हृदीयं नारायणस्त्वं च नरेण युक्तः ।

तदा त्वियं शान्तिरतीव साक्षाच्छायेव याता च तवानुरूपा॥

त्वं ब्रह्म चेयं प्रकृतिस्तटस्था कालो यदेमां च विदुः प्रधानम्।

महान् यदा त्वं जगदङ्करोऽसि राधा तदेयं सगुणा च माया॥

यदान्तरात्मा विदितश्चतुर्भिस्तदा त्वियं लक्षणरूपवृत्तिः।

यदा विराड्देहधरस्त्वमेव तदाखिलं वा भुवि धारणेयम्॥

श्यामं च गौरं विदितं द्विधा महस्तवैव साक्षात् पुरुषोत्तमोत्तम ।

गोलोकधामाधिपतिं परेशं परात्परं त्वां शरणं व्रजाम्यहम्॥

सदा पठेद् यो युगलस्तवं परं गोलोकधाम प्रवरं प्रयाति सः।

इहैव सौन्दर्यसमृद्धिसिद्धयो भवन्ति तस्यापि निसर्गतः पुनः॥

यदा युवां प्रीतियुतौ च दम्पती परात्परौ तावनुरूपरूपितौ ।

तथापि लोकव्यवहारसंग्रहाद् विधिं विवाहस्य तु कारयाम्यहम्॥